油價 + 鐵價 直接影響金價

個個都知當成本高時，貨品價格都會提高，咁油同鐵就係開採金既主要成本，油就用上機械上面，咁鐵就當然係用黎製造機械。

咁見近期油價同鐵價都有少少回落，代表金礦股既利潤會多左因為成本細左，再加上金礦股正常同金價掛勾，但睇返數據金價高過金礦股，咁金礦股價值有上升既可能，真係要搵搵邊隻金礦股好買。

經濟不好，但樓市及高息產品不跌反升

因為當大家都唔想放錢去股票市場，令到投資產品少左選擇，又唔想剩放錢入銀行，倒不如投資高息或有定期收入(收租)既產品上，所以會見到股票跌樓市升既現象，當然仲有美國不停放水，叫人借錢，QE3推出左三日後銀行就已經預備定11萬俾我借....

QE3 令到大市升升升

一個利好消息就令到大部分股都會升，升幅 1 - 4% 我隻中銀(3988)都上返 2.95，可惜之前落到 2.8 冇入多 2 手，鬼叫自己冇$$$咩~"~

如果我係大戶會等多一日就會開始放等人接。大約到 3 蚊出，2.8 入返。就睇下自己有冇眼光。

QE3 推出，熱錢再度擁入市場

首先講QE3是量化寬鬆的第三代(英語：Quantitative easing，簡稱QE)是一種貨幣政策。靠美國自己大量變錢(印銀紙)俾人，從而推動經濟，但可悲的是會出現通漲，因為美元數量多左令到價值下降。表示我們時常關注的金價，樓市同股票齊齊上升。

今次QE3重點:
(1) 0-0.25%的超低利率的維持期限將延長到2015年中
(2) 將從15日開始推出進一步量化寬鬆政策(QE3)，每月採購400億美元的抵押貸款支持證券(MBS)
(3) 繼續賣出短國債，買長國債

一個冇期限既目標，每月400億直到市場回復...不知要多少年頭。令到人人借錢易左好多，咁其實都係一件好事。

次級房屋信貸危機(次按危機)

次按危機真是一個好好既教訓，借大量既錢(低息)黎買大量房子賣給人(高息)，銀行家玩既把戲。如果唔係用高扎桿(其實自己控制唔到個風險)，相信都唔會破產，仲要搞到世界混亂。


風險主要有五種類型(轉至wiki) :

名稱	描述
信用風險	房屋業主或借款人無法或不願償還貸款的風險；
資產價格風險	資產（在這種情況下是MBS）貶值，造成經濟損失、減價、並可能造成補倉的風險；
流動性風險	一個企業實體將無法獲得資金（如從商業票據市場）的風險
交易對手風險	合約一方將無法或不願意履行其義務的風險。
系統風險	這些與其他風險累加起來的影響在最近被稱為系統風險，指的是那些之前不相關的風險轉移成為高度相關，破壞了整個金融體系。

有人話投資好危險，好易冇晒錢。其實講清楚只係唔識控制。

好似學車咁，你唔去搵人教你車，你就開出馬路行，咁就叫好危險！投資都一樣唔去學就衝出去，唔死就怪(除非你是人才)。所以風險只係睇你可唔可以控制到你用既工具!

美國國債危機

近日睇到一段不錯的 video 同大家分享分享

用五分鐘睇睇咩叫美國國債危機

簡單黎講有三個人 A B C ， A 俾錢 B； B 俾錢 C； C 俾錢返 A，但俾黎俾去都係同一舊錢，如果其中一個俾唔出(錢用晒)，咁 A B C 一齊玩完。

股票成交量 與 股價的關係

(前言:上面張相冇關係的)

股票成交量與股價的關係大概有4種:

1. 量增價升

代表不停有人進場，推高股價。(個個都想見到既情況)

2. 量降價跌

價跌代表冇人想買，再加上高位接貨個班人會突然變做長線投資又冇人放，相對成交就會降低。(當成交唔會再破低點，好有機會反彈)

3. 量增價跌

表示出現賣壓(股市用語-在股市上大量拋出股票，使股價迅速下跌。)

短時間出現 : 會引發更大既賣壓(羊羊心理，你賣? 我就賣得更狠! )，到時會出現更可怕既跌價。

長時間出現 : 當投資者覺得個價跌到冇眼睇同日日求神（突然諗起首歌 : 唐伯虎點秋香 插曲 《求神》 最後句歌詞..."我系夠天真 畀妳偷呃拐騙亦系緣份"）這個時侯個如果股價維持住"至抵價"但唔再破低點，又增加量好，咁股價隨時升上去(因為投資者覺得到左值得投資)。

4. 量降價升

股價開始去到高位，冇人想接貨。(小心高位接貨及隨時變長線投資者)

黃金儲備

直至2012年2月

近期睇過篇文章才知美國有8133.5噸既黃金儲備，各國黃金儲備排行榜排行第一。但都唔夠俾國債....

我的用錢態度

我人工少開支大，在没有開源下我只能節流。

１. 只買必須用的，不買想要的。（我計計下每年都買左成１～２萬買下電子用品）

２. 記下自己每日開支。（大約記下３～５個月會慢慢開始降少用錢）

３. 每月將自己既用錢 Report 俾你一個朋友睇，同叫佢俾意見你點可以省錢。

４. 不要借錢給人。

５. 每月一出糧就儲１０～２０％人工入銀行。（用餘下的８０％生活好了）

(PS. 省錢只是減少用不必要既錢，不要唔食早餐省錢唷~)

零售股 - 佐丹奴(709)

恆生指數 19880.03 成交金額 398.82億

恒指跌中國銀行（０３９８８）就跌左1.34%，換句話講捉到恒指上落就捉到中國銀行升跌，如果能捉到那個就是上帝。

但我一定不是～哈哈

聽人講用有限對無限係笨人既做法，所以我現在集中睇每一個類別的龍頭股，慢慢再研究其他股票。

講下零售股：佐丹奴（７０９）是我最有信心的其中一隻股（每日成交金額都有３,０００萬，每年盈利都有上升。），可惜未有彈藥入貨....但租金上升盈利相對下降，唔知佢地有冇解決方法。

投資既錢一定要是多餘錢

恆生指數20132.24 成交金額 447.15億

今日睇個指數又升返少少，升下跌下奇奇怪怪。

今日同朋友吹水，想叫佢一齊投資買下股票，佢都依舊推推下唔理我，我明白既要學識投資，先要賠錢受傷再吸引經驗，大家聽到賠錢邊個唔驚。我有個朋友呢幾年輸左５～１０萬（都唔明點解有咁多錢...）

我覺得投資既錢一定要是多餘錢（冇左唔會生活唔到）咁先安心。我會留約３～６個月支出既錢放入銀行，其餘就放入股票市場上，就算套住都唔怕冇錢用。

恒生指數 49隻成份股

恆生指數 19887.78 成交金額 394.60億........400都冇....

今日突然想睇下恒指有咩成份股，未睇之前估有６０～８０隻，睇完先知得４９隻。有Ｈ股又有紅籌股，還有今日我才分清楚H股同紅籌股是怎麼東東:

H股 : 在內地註冊成立的企業， 在香港上市的外資股就是H股。 

紅籌股 : 是對在香港或其他中國大陸外的地區注冊，但公司起始於中國大陸並主要在大陸開展業務的具中資背景，尤指具官方背景的股票的俗稱。

以下 49 隻成份股 :

0001 長江實業
0002 中電控股
0003 香港中華煤氣
0004 九龍倉集團
0005 匯豐控股
0006 電能實業
0011 恒生銀行
0012 恆基地產
0013 和記黃埔
0016 新鴻基地產
0017 新世界發展
0019 太古股份公司A
0023 東亞銀行
0066 港鐵公司
0083 信和置業
0101 恆隆地產
0144 招商局國際
0151 中國旺旺
0267 中信泰富
0291 華潤創業
0293 國泰航空
0322 康師傅控股
0330 思捷環球
0386 中國石油化工
0388 香港交易所
0494 利豐
0688 中國海外
0700 騰訊
0762 中國聯通
0836 華潤電力
0857 中國石油股份
0883 中國海洋石油
0939 建設銀行
0941 中國移動
1044 恆安國際
1088 中國神華能源
1109 華潤置地
1199 中遠太平洋
1299 友邦保險
1398 中國工商銀行
1880 百麗國際
1898 中煤能源
1928 金沙中國
2318 中國平安保險
2388 中銀香港
2600 中國鋁業
2628 中國人壽
3328 交通銀行
3988 中國銀行

有時指數升，但又唔係隻隻股都升

今日收市20100.9 點 成交429.7億，唔算多又唔算少。

今日睇到一篇文都幾岩新手睇，講指數既升跌，指數只係大圍股票既參考。

有時會出現指數升，但某某股就跌，因為指數入面有好多不同既股，有些股票占既比率高(6~9%)，有些得(1~2%) 。

有時占比率較高既股票升上去，會令到指數升，但同時間占比率少既股跌，因為比重少就算你點跌，都唔會影響到指數。所以剩睇指數有時都不能作準。

每次要做賽後檢討

人生最大錯誤，就係唔吸收以前錯誤。

股票都是同一道理，唔肯面對自己錯誤，代表唔想自我成長。

"錯"在我眼中是一件好事，代表自己有進步空間。我現在開始對我做錯的事會很認真對待。就像上次不設停損，由感覺支配理性，最後差不多損失了60%......這教訓也很大。

每次要做賽後檢討，明白今次的事做對怎麼做錯怎麼，對就堅持做錯就不要再做，到最後就會驘多輪少，財富就愈來愈多。

人工唔高又有錢買股票

恆生指數 20116.07 成交474.37億 有時諗星期五成交會唔會特別多呢?成日聽到有人講星期五就清晒股票，就算星期六日有bad news 咁就唔怕(因為清空了) 但當然有好消息就....嘿嘿

有朋友問我你人工唔高點解又有錢買股票，我第一時間就知佢冇任何投資經驗( 雖然我現時都只有6個月投資經驗.... )，咁我就講其實多有多玩少有少玩，幾千都玩得，但我朋友跟住既反應，就話股票好高風險....我諗一諗就轉話題。我知我再講落去只會自討沒趣，的確係如果唔係家人有玩開股票的話，要自己明白股票既作用起碼都要用1~2年既時間改變自己睇法。我回想我都要用左2~3年先肯開始踏出投資既第一步，愈早開始成就愈大。

買股要買龍頭股

我有一次買能源股，簡單睇左幾隻既資料，最後有3隻心選。一隻係龍頭其餘2隻就2~3線，見2~3線平個龍頭個價，又見龍頭個表現又唔算突出，咁就買2~3線，但隔幾日就有壞消息發出全線能源跌，2~3線既能源股至少跌得多過 7~8%， 龍頭就跌5~7% 少過2~3線既跌價，我就諗買股要買龍頭股，雖然係成本高，但買多個安心，最岩我唔係時時望住個市既人。以及有好消息龍頭實會升先，跟住先到2~3線股。

計止損止漲價用股票交易計算器!

要計止損止漲既買出買入位我都好鍾意用呢個網 "股票交易計算器" 有齊大部分香港銀行同交易所。我就係用創興個流動網絡證券服務黎做買賣。

P.s. 點解在創興開戶口因為近我，冇其他原因。

講下止損止漲，由我學買股票就睇到好多書，聽到好多人講買股票要定止損止漲。但其實定左又有幾多人真係捨得放手，我係其中一個，就算到左止損位但都希望隻股票會翻身，但最後結果係冇左 50% 先放手....一個好好既教訓，仲有就係放手之後 2 日就停牌(一口一||| good luck).........止漲都係同一道理，升到目標價就唔好貪心，保本至上。

還有一個移動止損計算，每次都用最高價來定止損，如 $10 入設 10% 止損，當升到 $20 時就用 $20 來計個止損位。

太古推高大市成交

收市升左 210 點報 20291.68 ，有成 561 億成交。 睇見以為個市好好原睇真隻太古地產(01972) 過左半年交易期大股東就減持 2.34 億股有成 110 億成交。差少少俾 561 億個數呃左。

講返我買個隻中國銀行 (3988) 2.98 入左 3000 股，今日見個價有 3.02 個心都有點高興，看何時去返 2.8 入多 2~3 手股。

中國銀行係香港都好有規模，服務又不錯，業務又有增長既空間，息也不有 0.17，但內銀股想升就有難度......個人覺得用黎長線投資還可以。

基金洗倉?

今日見個市得個 361.41億 交收，比上星期五少左成100億! 個市真差~~

利豐(00494) 做出口貿易業務，我知既其中一個業務係玩具反斗城。

同個朋友閒聊講下基金洗倉， 當見到基金洗倉隻股都唔多得。見到隻利豐(00494) 成交金額 比正常大，好有機會基金搞事。正常散戶都冇咁多銀做到咁大成交金額。